LVCENSIA 67

Un novo número de LVCENSIA, revista de cultura e investigación, publicada pola biblioteca do Seminario Diocesano de Lugo.

LVCENSIA quere ser unha revista que recolla a historia e a actualidade da vida lucense. Historia e tradición, cultura e investigación son o eixo que vertebra a súa temática.

A historia está marcada por acontecementos significativos. O que recolle a revista LVCENSIA quizais non sexa algo que teña un valor transcendente na historia universal, pero si pequenos anacos de historia que conforman as nosas tradicións e os valores que conforman a vida do noso ser de lucenses.

Vestixios romanos como a ara de Curvián en Palas de Rei, cruceiros de Láncara, ou restos iconográficos en S. Miguel do Monte fálannos de antigüidade e tradición na relixiosidade da nosa terra.

Tempos máis modernos trasládannos a mostras arquitectónicas e obras artísticas que debemos coñecer para valoralas. Aquitectura indiana ou obras pictóricas recollidas no Museo Provincial ocupan a nosa atención neste número de LVCENSIA.

Personaxes que marcaron a historia da sociedade lucense son tamén aquí obxeto de estudo.

Celebracións de Xornadas, como as de Teoloxía, con anos de historia na nosa diocese e seguen espertando o interese dos lucenses.

Ven tamén a luz a través de LVCENSIA documentos históricos orixinais conservados no Arquivo diocesano.

LVCENSIA tamén se fai eco de diversas publicacións recentes con distintas recensións de libros publicados e de interese para os lucenses.

Só nos resta nesta presentación agradecer a colaboración de todos aqueles que fixeron posible que un novo número de LVCENSIA vexa a luz. Sentímonos satisfeitos por poder celebralo unha vez máis.

SUMARIO